مریم نواز کا علاج کیلیے لندن روانگی کا امکان

وزیراعلیٰ پنجاب مریم نواز کے گلے میں انفیکشن ہوگیا جبکہ امکان ظاہر کیا جارہا ہے کہ وہ آج لندن روانہ ہوجائیں گی۔

ذرائع کے مطابق مریم نواز لندن اپنے علاج کیلیے جارہی ہیں اور اُن کے ڈاکٹر سے اپائٹمنٹ شیڈول ہیں۔

ذرائع کے مطابق مریم نواز شریف کافی عرصہ سے گلے میں انفیکشن کا شکار ہیں اور انہوں نے اس کا پاکستان میں ماہر ڈاکٹرز سے معائنہ بھی کروایا ہے تاہم اُن کے گلے کے آپریشن کا امکان ظاہر کیا جارہا ہے۔

ن لیگ کے ذرائع کا کہنا ہے کہ وزیر اعلیٰ کا دورہ لندن ایک ہفتے پر محیط ہو گا، وہ وزارت اعلیٰ کا منصب سنبھالنے کے بعد پہلی بار بیرون ملک روانہ ہوں گی۔

ذرائع کا یہ بھی کہنا ہے کہ نواز شریف پہلے ہی لندن میں موجود ہیں اور پھر دونوں باپ بیٹی ایک ساتھ پاکستان واپس آئیں گے۔