مریم نواز کی مداخلت، ملیکہ بخاری کو بیرون ملک جانے کی اجازت مل گئی

وزیراعلیٰ پنجاب مریم نواز کی بروقت مداخلت کے باعث پاکستان تحریک انصاف کی سابق رکن قومی اسمبلی ملیکہ بخاری کو بیرون ملک جانے کی اجازت مل گئی۔

ذرائع کے مطابق ملیکہ بخاری نے اپنی بڑی بہن کی بیماری کے حوالے سے بیرون ملک جانے کی گزارش کی تھی۔

سوشل میڈیا پر وزیراعلیٰ مریم نواز نے متعلقہ حکام سے بات کرنے کا کہا تھا، تھوڑی دیر بعد ملیکہ بخاری نے مریم نواز کا شکریہ ادا کیا۔

پی ٹی آئی کی سابقہ رکن قومی اسمبلی کا کہنا تھا کہ انہیں اجازت ملنے کی اطلاع موصول ہوگئی ہے، اور ان کا نام نو فلائی لسٹ سے ہٹا دیا گیا ہے۔

ملیکہ بخاری نے کہا تھا کہ ان کی بڑی بہن آسٹریلیا میں شدید بیماری کے باعث وینٹی لیٹر پر ہیں۔انہیں اس وقت ان کی ضرورت ہے۔