پاک فوج کی جنوبی وزیرستان میں کارروائی، 2 دہشتگرد ہلاک

 راولپنڈی: سیکیورٹی فورسز نے جنوبی وزیرستان کے ضلع میں کارروائی کے دوران 2 دہشت گردوں کو واصل جہنم کردیا۔

آئی ایس پی آر کے جاری کردہ بیان میں کہا گیا ہے کہ مارے گئے دہشت گردوں کے قبضے سے اسلحہ کے ساتھ بھاری مقدار میں دھماکا خیز مواد بھی برآمد ہوا ہے۔

آئی ایس پی آر کے مطابق دہشتگرد علاقے میں دہشت گردی کی متعدد کارروائیوں میں ملوث تھے۔

پاک فوج کے شعبہ تعلقات عامہ کے مطابق علاقے میں پائے جانے والے کسی دوسرے دہشت گرد کو ختم کرنے کے لیے سینی ٹائزیشن آپریشن کیا جا رہا ہے۔