پاک فوج کی کرک میں کارروائی، 6 خوارج ہلاک

سکیورٹی فورسز نے خیبرپختونخوا کے ضلع کرک میں آپریشن میں 6 خوارج کو واصل جہنم کردیا۔

آئی ایس پی آر کے جاری کردہ بیان میں کہا گیا ہے کہ سکیورٹی فورسز نے ضلع کرک میں خوارج کی موجودگی کی اطلاع پر آپریشن کیا۔

آئی ایس پی آر نے بتایاکہ آپریشن کے دوران سکیورٹی فورسز نے مثر طریقے سے خوارج کے ٹھکانے کو نشانہ بنایا اور کارروائی میں 6 خوارج ہلاک کردیے گئے۔

 آئی ایس پی آر کا کہنا ہے کہ کسی دوسرے خوارج کے خاتمے کیلئے کلیئرنس آپریشن جاری ہے اور سکیورٹی فورسز ملک سے دہشتگردی کی لعنت کے خاتمے کیلئے  پرعزم ہیں۔