پی ٹی آئی کی لیول پلیئنگ فیلڈ کا معاملہ سپریم کورٹ پہنچ گیا

سپریم کورٹ نے پی ٹی آئی کی لیول پلیئنگ فیلڈ کیلئے دائر درخواست کو سماعت کے لیے مقرر کر کے پہلی سماعت بھی کرلی۔

سپریم کورٹ میں کیس کی سماعت کے دوران تحریک انصاف کے وکیل نیاز اللہ نیازی نے عدالت کو بتایاکہ پی ٹی آئی کے امیدواروں کو کاغذات نامزدگی جمع کرانے نہیں دیے جارہے۔

انہوں نے دعوی کہا کہ عمیر نیازی عدالت میں موجود ہیں، ان کے والد کےکاغذات نامزدگی پھاڑے گئے، اب تک بلے کا نشان الاٹ کرنے پر الیکشن کمیشن نے فیصلہ نہیں سنایا۔

تحریک انصاف کے وکیل نے یہ بھی کہا کہ کچھ لوگوں کے گھروں پر جاکر پولیس نے توڑ پھوڑ کی ہے۔