اسلام آباد میں 144 نافذ کردی گئی

اسلام آباد کی ضلعی انتظامیہ نے فضائی آلودگی سے نمٹنے کے لیے دفعہ 144 کے تحت پابندیاں عائد کردیں۔

ذرائع کے مطابق ایڈیشنل ڈسٹرکٹ مجسٹریٹ اسلام آباد کی جانب سے زہریلی گیسوں کا اخراج روکنے کیلئے احکامات جاری کردیے گئے ہیں۔

نوٹیفکیشن میں کہا گیا ہے کہ احکامات کا اطلاق فی الفور آئندہ 2 ماہ تک کے لیے ہوگا جبکہ خلاف ورزی کی صورت میں سخت قانونی کارروائی کی جائے گی۔

 جاری نوٹیفکیشن کے تحت گاڑیوں، فیکٹریوں، بھٹوں سے زہریلی گیسوں کے اخراج سمیت کوڑا اور فصلیں جلانے پر پابندی عائد کی گئی ہے۔