ووٹ ڈالیں اور پھر ۔۔ عمران خان نے ووٹ کی حفاظت کا طریقہ بتادیا

اڈیالہ جیل میں مختلف مقدمات میں قید پاکستان تحریک انصاف کے بانی چیئرمین عمران خان نے کارکنان کے نام الیکشن سے متعلق پیغام جاری کردیا۔

اپنے پیغام میں عمران خان نے کہا کہ میرے پاکستانیوں، مجھے حقیقی آزادی کی جدوجہد پر چوبیس سال قید کی سزا سنادی گئی ہے۔

انہوں نے اپیل کی کہ مجھے اور پاکستان کو آپ کے صرف چوبیس گھنٹے درکار ہیں۔ عمران خان نے ووٹ ڈالنے اور فارم 45 ملنے تک پولنگ ایجنٹ پولنگ اسٹیشن نہ چھوڑنے کی ہدایت کی۔

انہوں نے یہ بھی کہا کہ مکمل نتائج آنے تک ریٹرننگ افسر کے دفتر کے باہر پرامن طور پر بیٹھیں۔