وزیرآباد حملہ کیس میں حماد اظہر، یاسمین راشد کو گرفتار کرنے کا حکم

انسداد دہشت گردی گوجرانوالہ کی عدالت نے وزیرآباد میں عمران خان پر ہونے والے حملے کے کیس میں حماد اظہر، یاسمین راشد سمیت دیگر کے وارنٹ گرفتاری جاری کردیے۔

تفصیلات کے مطابق انسداد دہشت گردی کی عدالت میں وزیرآباد کیس کی سماعت ہوئی جس میں عدم حاضری پر پی ٹی آئی کے 6 رہنماؤں سمیت 14 گواہان کے وارنٹ گرفتاری جاری کیے گئے۔

عدالت میں پولیس کی جانب سے مرکزی ملزم نوید مہر کو پیش کیا گیا۔ جبکہ دوران سماعت گواہان کی شہادتیں ریکارڈ کی گئیں اور جج نے میڈیکل کرنے والے ڈاکٹرز نے بیان حلفی دینے کیلیے طلب کیا۔

جج نے شہادت کیلیے نہ آنے پر پی ٹی آئی کے رہنما حماد اظہر، یاسمین راشد، عمر سرفراز چیمہ سمیت 14 گواہان کے وارنٹ گرفتاری جاری کیے اور انہیں گیارہ دسمبر کو ہر صورت پیش کرنے کی ہدایت کردی۔