چین کی لیبارٹری میں 100 فیصد یقینی موت والا خطرناک ترین وائرس تیار

چین کے ماہرین نے اب تک کا خطرناک ترین وائرس تیار کرنے کا دعویٰ کیا ہے جس سے موت کی شرح کا امکان 100 فیصد بتایا گیا ہے۔

عالمی میڈیا کے مطابق چین کے ماہرین نے مقامی لیبارٹری میں ایک میوٹینٹ وائرس جی ایکس پی ٹو وی تیار کیا اور اس حوالے سے ایک رپورٹ بھی شائع کی۔

چینی ماہرین کی تحقیق میں بتایا گیا ہے کہ اس وائرس کو چوہوں پر آزمایا گیا تو اُن کی شرح موت 100 فیصد ہوئی، جبکہ یہ چوہے انسانی جینیات کے حامل تھے۔

ماہرین نے نوٹ کیا کہ GX_P2V سے متاثرہ تمام چوہے آٹھ دنوں کے اندر اندر مر گئے جو کہ حیرت انگیز طور پر موت کی تیز شرح ہے۔

عالمی طبی ماہرین کا دعویٰ ہے کہ یہ وائرس کورونا کے خاندان سے مطابقت رکھتا ہے جو 2017 میں مبینہ طور پر ملائیشیا میں پائے جانے والے مینگولین میں دریافت ہوا تھا کیونکہ اس سے بھی چوہوں کی 100 فیصد اموات ہوئیں تھیں۔