10 سالہ بچی سے زیادتی کی کوشش کرنے والا ملزم گرفتار

ہنجروال پولیس نے  15 کال پر بروقت کارروائی کرتے ہوئے 10 سالہ بچی سے زیادتی کی کوشش کرنے والا ملزم حراست میں لے لیا۔

ذرائع کے مطابق ایس ایچ او ہنجروال عظیم انور نے بتایا کہ شہری نعیم کی 10 سالہ بیٹی قزل فاطمہ دکان سے چیز خریدنے گئی، ملزم نے 10 سالہ بچی کو دکان کے اندر پڑے فریزر سے بوتل اٹھانے کے بہانے اندر بلا لیا۔

درندہ صف ملزم افضل نے 10 سالہ قزل فاطمہ کو بدفعلی کی نیت سے ہراساں کیا،ہنجروال پولیس نے بروقت کاروائی کرتے ہوئے ملزم افضل کو گرفتار کر لیا مقدمہ درج کرکے تفتیش شروع کردی گئی ہے۔

پولیس ترجمان کے مطابق والد نعیم نے بچی کے بحفاظت ملنے پر اور ملزم کو گرفتار کرنے پر پولیس شکریہ ادا کیا، ایس پی اقبال ٹاؤن نے  ایس ایچ او عظیم انور اور پولیس ٹیم کو شاباش دی۔