5 بچوں کی ماں کو فون پر تنگ کرنے پر نوجوان کی درگت بنادی گئی

بہاولنگر: 5 بچوں کی ماں کو فون پر تنگ کرنے پر نوجوان کی پٹائی کی ویڈیو سوشل میڈیا پر گردش کررہی ہے۔

ذرائع کے مطابق پنجاب کے شہر بہاولنگر میں ایک نوجوان 6 روز سے ایک خاتون کو فون پر تنگ کر رہا تھا، جس پر خاتون نے اسے ملنے کے بہانے بلا کر اس کی درگت بنوادی۔

رپورٹس میں کہا گیا ہے کہ بہاولنگر کے علاقے راجے والی بستی کا رہائشی ندیم نامی اوباش نوجوان موبائل فون پر خاتون کو چھ روز سے تنگ کر رہا تھا۔

تاہم ایک شادی شدہ خاتون کو بلیک میل کرنا اسے اس وقت مہنگا پڑا جب خاتون نے ملنے کے بہانے اسے بلوا کر مین شاہراہ پر سرعام اس کی پٹائی کروادی۔

خاتون نسیم بی بی 5 بچوں کی ماں ہے، جب ملزم اس سے ملنے آیا تو خاتون اور اس کے گھر والوں نے اسے پکڑ کر خوب پٹائی کی، اور پھر پولیس کے سپرد کردیا۔