ڈاکو نے مشتعل ہجوم سے بچنے کیلیے خودکشی کرلی

مظفر گڑھ میں ایک ڈاکو نے مشتعل ہجوم سے بچنے کے لیے خودکشی کرلی۔

پیر کے روز مظفر گڑھ میں واقع تھرمل روڈ پر شہریوں نے ایک ڈاکو کو واردات کے وقت رنگے ہاتھوں پکڑا اس کے بعد شہریوں نے شور مچایا تو ہجوم نے ڈکیت کو پکڑنے اور تشدد کیلیے اُس کا پیچھا کیا۔

ڈاکو کا تعاقب کرتے ہوئے ایک شہری زخمی ہو گیا جو دوسرے شخص کو لوٹنے کے بعد فرار ہونے کی کوشش کر رہا تھا۔

پولیس نے مقامی میڈیا کو بتایا کہ مشتعل ہجوم کے غصے سے خوفزدہ ہو کر ڈاکو نے مبینہ طور پر خود کو گولی مار لی۔

قانون نافذ کرنے والے اداروں کے مطابق ہلاک ہونے والے ڈاکو کی لاش کو اسپتال منتقل کر دیا گیا ہے۔ وہ کئی دیگر مقدمات میں مطلوب تھا۔

ڈاکو کی فائرنگ سے زخمی شہری کو بھی ڈسٹرکٹ ہیڈ کوارٹر ہسپتال (ڈی ایچ کیو) لے جایا گیا۔ پولیس کا کہنا ہے کہ مزید قانونی کارروائی جاری ہے۔

اس سے قبل، 31 جولائی کو چھیننے کے ایک اور واقعے میں، ایک بدنام زمانہ جرائم پیشہ گروہ کا سرغنہ پولیس اور عام شہریوں کے ہاتھوں پکڑا گیا تھا۔ مظفر گڑھ کے علاقے بیت میر ہزار خان کے رہائشی سے موٹر سائیکل چھین کر ملزم فرار ہونے کی کوشش کر رہا تھا۔

ملزم صدام نے ہونڈا 125 موٹر سائیکل چوری کی تھی اور موقع سے فرار ہو رہا تھا کہ ہجوم نے اس کا پیچھا کیا۔ اس کے بعد مقامی لوگوں نے پولیس کو بھی ڈکیتی کی اطلاع دی۔