فیس بک محبت: لاڑکانہ کا نوجوان شادی کے بعد فلپائن پہنچ گیا

سندھ کے علاقے لاڑکانہ سے تعلق رکھنے والا نوجوان فلپائنی لڑکی کی محبت میں گرفتار ہوکر فلپائن پہنچ گیا۔

تفصیلات ک مطابق لاڑکانہ کے علاقے غازی عباس کالونی کے رہائشی اوشاق شیخ کی فلپائن سے تعلق رکھنے والی لڑکی میکونا سے فیس بک پر دوستی ہوئی جو ایک سال کے اندر محبت میں تبدیل ہوگئی۔

لڑکی اور لڑکے نے آپس میں بات چیت کے بعد اپنے گھر والوں سے اس معاملے پر بات کی جس پر اُن کے فیملی سربراہان نے رضامندی ظاہر کی اور پھر ستمبر 2023 میں دونوں کا ویڈیو کال پر نکاح بھی ہوا۔

لاڑکانہ ٹائمز کے مطابق ویزہ کے حصول کے لیے مہینوں کی جدوجہد کے بعد اوشاق بالآخر فلپائن پہنچ گیا۔ شیخ نے بتایا کہ میکونا نے اپنے پاکستانی شوہر کو فلپائن آنے کے لیے ویزا اور ٹکٹ بھیجا تھا۔

نکاح کی تقریب مقامی ہوٹل میں ہوئی جس میں رشتہ داروں، دوستوں اور اہل خانہ نے شرکت کی۔

تقریب میں فلپائنی لڑکی میکونا کی شادی ویڈیو کال کے ذریعے ہوئی۔ شادی کے بعد اہل خانہ، دوستوں اور چاہنے والوں نے شیخ کو مبارکباد دی اور انہیں پھولوں کے ہار پہنائے اور سیلفیاں بھی لیں۔

میکونا کے ساتھ اپنی دوستی کے سفر کا انکشاف کرتے ہوئے شیخ نے کہا کہ ایک سال قبل انہوں نے فیس بک پر رابطہ کیا جو پہلے دوستی اور پھر محبت میں بدل گئی۔