گھر میں فریج کا کمپریسر پھٹنے سے بچہ جاں بحق

 کراچی: شہر قائد میں گھر کے اندر فریج کا کمپریسر پھٹنے سے بچہ جاں بحق جب کہ ایک شخص زخمی ہو گیا دھماکے سے علاقے میں خوف پھیل گیا۔

یہ افسوسناک واقعہ جمعہ کی صبح کراچی کے علاقے لائنز ایریا جیکب لائن میں پیش آیا جہاں گھر میں موجود فریج کا کمپریسر اچانک پھٹ گیا۔

کمپریسر پٹھنے سے قریب موجود بچہ جاں بحق ہو گیا جب کہ ایک شخص زخمی بھی ہوا۔

گھر میں دھماکے کی آواز سے علاقے میں خوف وہراس پھیل گیا۔ پولیس اور ریسکیو ادارے اطلاع ملنے کے بعد جائے وقوعہ پر پہنچے۔ لاش اور زخمی کو اسپتال منتقل کر دیا گیا ہے۔