جیکب آباد میں پولیو ورکر سے زیادتی کا ڈراپ سین

جیکب آباد کی حدود میں پولیو ورکر سے زیادتی کا ڈراب سین ہوگیا۔

تفصیلات کے مطابق سندھ کے علاقے جیکب آباد کے تھانے مولا داد کی حدود میں اسلحہ کے زور پر پولیو ورکر کو مبینہ جنسی زیادتی کا نشانہ بنانے کا واقعہ پیش آیا تھا۔

پولیس نے بتایا تھا کہ گوٹھ اللہ بخش جکھرانی میں پولیو ورکر کو جنسی زیادتی کا نشانہ بنایا گیا ہے۔ واقعے کے بعد ضلعی انتظامیہ میں کھلبلی مچ گئی، ڈی سی ڈی ایچ او اور دیگر عملدار جائے وقوعہ پر پہنچے۔ 

متاثرہ پولیو ورکر کو واقعہ کے بعد جمس اسپتال منتقل کیا اور سیمپل لیے گئے۔ ڈپٹی کمشنر کے مطابق پولیو ورکر کو جنسی زیادتی کا نشانہ بنانے کی اطلاعات ہیں جس کی تحقیقات کی جارہی ہے۔

خاتون پولیو ورکر نے جنسی زیادتی کی خبروں کی تردید کرتے ہوئے کہا ہے کہ گوٹھ اللہ بخش جھکرانی میں  ایک شخص نے اسلحے کے زور پر موبائل فون اور نقدی لوٹ  لی مگر اس کے ساتھ کسی نے جنسی زیادتی نہیں کی۔