کراچی، 22 سالہ نوجوان نالے میں ڈوب کر جاں بحق

شیرشاہ پنکھا ہوٹل کے قریب نالے میں گر کر 22 سالہ نوجوان جاں بحق ہوگیا

شیرشاہ پنکھا ہوٹل کے قریب نالے میں گر کر 22 سالہ نوجوان جاں بحق ہوگیا۔

 تفصیلات کے مطابق پاک کالونی کے علاقے شیرشاہ پنکھا ہوٹل کے قریب پیر اور منگل کی درمیانی شب نالے میں گر کر 22 سالہ نوجوان جاں بحق ہوگیا۔

متوفی کی لاش چھیپا ایمبولینس کے ذریعے سول اسپتال منتقل کی گئی۔

 پولیس کے مطابق متوفی کے پاس سے ایسی کوئی چیز نہیں ملی جس سے اس کی شناخت کی جا سکے ، ترجمان چھیپا کے مطابق علاقے سے گزرنے والے کچھ لڑکوں نے فون کر کے ایک شخص کے نالے میں گرنے کی اطلاع دی تھی ، چھیپا کے رضا کاروں نے موقع پر پہنچ کر نالے میں گرنے والے شخص کو نکال کر فوری طور پر اسپتال منتقل کیا جہاں ڈاکٹروں نے اس کی موت کی تصدیق کر دی ۔

 پولیس نے ضابطے کی کارروائی کے بعد لاش شناخت ورثا کے لیے چھیپا سردخانے میں رکھوا دی ۔