کراچی: پسند کی شادی پر باپ نے بیٹی، داماد کو قتل کر دیا

کراچی: شہر قائد کے علاقے بھینس کالونی میں پسند کی شادی کرنے پر میاں بیوی کو قتل کر دیا گیا۔پولیس کے مطابق لڑکی کے باپ نے بیٹی اور داماد پر فائرنگ کی، فائرنگ کی زد میں آ کر ایک شہری بھی زخمی ہوا۔

پولیس حکام کے مطابق مرنے والے میاں بیوی نے ایک ماہ قبل پسند کی شادی کی تھی اور ان کا تعلق ٹھٹہ سے تھا۔پولیس کے مطابق دہرے قتل کے 2 ملزمان کو ٹیکنیکل اور انٹیلی جنس بنیاد پر چند گھنٹوں بعد ہی گرفتار کر لیا گیا، ابتدائی تفتیش کے مطابق ملزمان نے ساتھیوں کے ساتھ مل کر ذاتی رنجش پر فائرنگ کی۔

پولیس حکام کے مطابق واقعے کا مقدمہ قتل اور دیگر دفعات کے تحت درج کر لیا گیا ہے اور مزید ملزمان کی گرفتاری کے لیے چھاپے مارے جا رہے ہیں۔آئی جی سندھ جاوید عالم اوڈھو نے واقعے کا نوٹس لیتے ہوئے رپورٹ طلب کر لی ہے۔