کراچی، شہریوں نے ڈاکوؤں کی تفصیلات شیئر کردیں

سوشل میڈیا صارف نے کراچی کے علاقے طارق روڈ میں لوگوں کو لوٹنے والے مبینہ ڈاکو کی ذاتی تفصیلات شیئر کر دیں۔

 یہ سب اس وقت شروع ہوا جب علی خان اک نامی ایک بااثر شخص نے فیس بک پر مبینہ ڈاکوؤں کی دو تصاویر پوسٹ کیں اور دعویٰ کیا کہ ڈاکو شہر کے طارق روڈ، بہادر آباد، پی ای سی ایچ ایس، سندھی مسلم سوسائٹی اور شرف آباد کے علاقوں میں جرائم کرنے میں سرگرم ہیں۔

ایک اور پوسٹ میں، اس شخص نے اپنے مداحوں کو بتایا کہ ایک نامعلوم صارف نے ڈاکوؤں میں سے ایک کی ذاتی تفصیلات ایک ٹیکسٹ میسج کے ذریعے شیئر کی ہیں۔

 تفصیلات کے مطابق مبینہ ڈاکو کی شناخت علی کے نام سے ہوئی ہے اور وہ لانڈھی کی شیر پاؤ کالونی میں رہائش پذیر ہے۔

 پیغام کے اسکرین شاٹ سے مزید معلوم ہوا کہ ڈاکو نجی ٹیکسٹائل کمپنی میں کام کرتا ہے۔

تاہم، فیس بک صارف کی جانب سے شیئر کی گئی تفصیلات کو متعلقہ حکام کی جانب سے کراس چیک کرنا باقی ہے۔