کرم میں امدادی قافلے پر فائرنگ اور راکٹ لانچرز حملے، زخمیوں کی اطلاعات

کرم میں بگن کے مقام پاڑا چنار امدادی سامان لے جانے والے قافلے پر راکٹ لانچرز سے حملہ کیا گیا ہے۔ جس ایک گاڑی کو نقصان پہنچا جبکہ مسلح افراد نے قافلے کے سامان کو لوٹنے کی کوشش بھی کی گئی۔

پولیس کے مطابق ضلع کرم کےلیے ٹل کینٹ سے جانے والے امدادی قافلے پر راکٹ حملہ کیا گیا جس میں کوئی جانی نقصان نہیں ہوا تاہم 3 افراد زخمی ہوئے ہیں۔

ذرائع کے مطابق ٹرکوں کی حفاظت سیکیورٹی کے دستے کررہے تھے اور ان میں اشیائے خوردونوش کا سامان لدا ہوا تھا۔ حملے کے بعد کافی دیر تک فائرنگ کا سلسلہ جاری رہا جس میں چھوٹے ہتھیار استعمال ہوئے۔

پولیس حکام کا بتانا ہے کہ حملے کے بعد، قافلے میں شامل گاڑیاں واپس ٹل روانہ ہوگئی ہیں۔ اس سے قبل کرم کے لیے تیسرےقافلے کے پہلے مرحلےمیں 35 مال بردار گاڑیاں روانہ کی گئی تھیں جن میں دوائیں، سبزیاں، پھل اورکھانے پینے کی دیگر چیزیں شامل تھیں جب کہ قافلے کی سکیورٹی کے لیے پولیس، ایف سی اور سکیورٹی فورسز کی بھاری نفری تعینات تھی۔ 

دوسری جانب کرم سے مریضوں کی منتقلی کے لیے ہیلی کاپٹرسروس 10 روز سے بند ہے اور مریضوں کو شدید مشکلات کا سامنا ہے۔

ایم ایس ڈسٹرکٹ ہیڈ کوارٹر اسپتال ڈاکٹر میر حسین جان نے جیونیوز سے گفتگو کرتے ہوئے بتایا کہ دوائیں لانے اور مریضوں کی منتقلی کے لیے ہیلی کاپٹرسروس 10 روز سے بند ہے، ہیلی کاپٹرسروس کے لیے ضلعی انتظامیہ کو لیٹر بھیجا ہوا ہے۔ 

ایم ایس نے مزید بتایا کہ ضلعی انتظامیہ سے 74 مریضوں کی منتقلی کی درخواست کی ہے کیونکہ موجودہ حالات میں سڑک سے مریضوں کو منتقل کرنے کے آثار نہیں لگتے۔

اس حوالے سے وزیرمذہبی امورکے پی نے دعویٰ کیا تھا کہ ضلع کُرم کےلیے کاپٹر ہیلی سروس بدستور جاری ہے