خواتین سے ٹیلی فون پر دوستی اور پھر زیادتی کرکے بلیک میل کرنے والا درندہ گرفتار

پنجاب پولیس نے قصور میں کارروائی کرتے ہوئے خواتین کو ہنی ٹریپ سے پھنسا کر زیادتی اور بلیک میل کرنے والے درندے کو گرفتار کرلیا۔

تفصیلات کے مطابق پنجاب پولیس نے قصور کے علاقے کھڈیاں خاص میں کارروائی کرتے ہوئے خواتین کو ہنی ٹریپ سے پھنسا کر زیادتی اور بلیک میل کرنے والا جنسی درندہ گرفتار کر لیا۔

پنجاب پولیس آئی جی پنجاب ڈاکٹر عثمان انور نے نوٹس لے کر ڈی پی او قصور طارق عزیز کو ملزم کی گرفتاری کا ٹاسک دیا تھا۔ پولیس کے مطابق ملزم خواتین سے زیادتی کرتا اور پھر انہیں بلیک میل کر کے بھاری رقم مانگتا تھا۔

پولیس ترجمان کے مطابق ملزم کی شناخت یوسف کے نام سے ہوئی جو خواتین سے ٹیلی فون پر دوستی کر کے انہیں اپنے گھر بلاتا اور پھر زیادتی کے بعد قابل اعتراض ویڈیوز بنا کر بلیک میل کرتا تھا۔۔

ملزم نے خاتون کی ویڈیو سوشل میڈیا پر شیئر کی جو وائرل ہوئی تو پھر پولیس حرکت میں آئی۔ 

ڈی پی او قصور عزیز نے ملزم کی گرفتاری پر پولیس ٹیم کو شاباش دی اور بتایا کہ ملزم کا موبائل برآمد کر کے اسے فرانزک کیلیے لیبارٹری بھیج دیا گیا ہے جبکہ مقدمہ درج کر کے تفتیش کی جارہی ہے۔

آئی جی پنجاب ڈاکٹر عثمان انور کی خواتین کے ساتھ زیادتی اور ہراساں کرنے والے درندے کی گرفتاری پر قصور پولیس کو شاباش دی اور کہا کہ خواتین کے ساتھ، ہراسگی، زیادتی اور تشدد پر زیرو ٹالرنس ہے۔