لاہور میں ملزم نے تاوان نہ دینے پر دوست کی بیٹی کو اغوا کر کے قتل کردیا

ایک دلخراش واقعہ میں، لاہور میں ایک 5 سالہ بچی کو اس کے والد کے دوست نے تاوان کی رقم کے لیے اغوا کر کے قتل کر دیا۔

پولیس کے مطابق ملزم کاشف نے 10 اگست کو صوبائی دارالحکومت کے علاقے باٹا پور سے فجر نامی بچی کو اغوا کیا تھا۔ بعد ازاں ملزم نے مقتولہ کے والد راشد سے بیٹی کی رہائی کے بدلے تاوان کا مطالبہ کیا۔

پولیس کا مزید کہنا تھا کہ کاشف نے اسی دن نابالغ لڑکی کو قتل کر کے اس کی لاش قریبی جنگل میں پھینک دی تھی۔ 

پولیس حکام نے بچی کی باقیات برآمد کر کے فرانزک تجزیہ کے لیے بھیج دی ہیں۔ تفتیش سے معلوم ہوا کہ کاشف جو مقتول کے والد کا دوست اور پڑوسی ہے، فجر کے قتل کے بعد بھی تاوان کا مطالبہ کرتا رہا۔

قانون نافذ کرنے والے اداروں کا کہنا ہے کہ ملزم نے کاروباری مقاصد کے لیے متاثرہ کے والد سے 10 لاکھ روپے بھی ادھار لیے تھے۔ پولیس نے کال ریکارڈز کے ذریعے کاشف کا سراغ لگایا اور اسے گرفتار کر لیا، ملزم نے پولیس کے سامنے اپنے گھناؤنے جرم کا اعتراف کیا ہے۔