مسلمان لڑکے سے محبت پر ہندو لڑکے نے بہن اور ماں کی زندگی چھین لی

بھارتی ریاست کرناٹکا کے علاقے بنگلورو میں ایک ہندو لڑکے نے اپنی بہن کو مسلمان لڑکے سے محبت کرنے پر تالاب میں دھکا دیا جس میں وہ مر گئی جبکہ بیٹی کو بچانے کیلیے تلاب میں کودنے والی ماں بھی ڈوب گئی۔

بھارتی میڈیا کے مطابق ریاست کرناٹک کے ایک تالاب سے 43 سالہ ماں اور 19 سالہ بیٹی کی لاشیں ملیں، 19 سالہ لڑکی دھنشری اپنے گاؤں میں ایک مسلمان لڑکے سے محبت کرتی تھی۔

متوفیہ کے بھائی نے مسلمان لڑکے سے ملاقاتوں پر کئی بار برہمی کا اظہار کیا اور بہن کو روکنے کی کوشش کی لیکن اُس نے ایک نہ سنی اور شادی کے اصرار پر ڈٹ گئی۔ 

مسلمان لڑکے سے محبت اور شادی کی ضد پر دونوں بہن بھائیوں میں 7 ماہ تک بات چیت بند رہی مگر ایک روز قبل پھر سے جھگڑا ہوا جس کے بعد ہندو لڑکے نے بہن کو تالاب میں دھکا دیا، بیٹی کو ڈوبتا دیکھ کر ماں نے بھی چھلانگ لگائی مگر دونوں ڈوب گئے۔ 

پولیس کے مطابق ملزم موقع سے فرار ہوگیا ہے جس کی تلاش کیلیے چھاپے مارے جارہے ہیں۔