تاوان نہ ملنے پر ایک شخص نے ہم زلف کو اغواء کرکے قتل کردیا

کراچی : اسکیم 33 کنیز فاطمہ سوسائٹی سے تین روز قبل اغوا ہونے والے شخص کی لاش ڈرم سے مل گئی ، مارنے اور مرنے والے آپس میں ہم زلف ہیں۔

ذرائع کا کہنا ہے کہ کراچی میں اسکیم 33 کنیز فاطمہ سوسائٹی سے شہری کی لاش برآمد ہوئی، تین روز قبل اقبال احمد نامی شہری کو نیو ٹائون کے علاقے سے اغوا کیا تھا۔

پولیس نے بتایا کہ نامعلوم ملزم کی جانب سے تاوان کیلئے فون بھی کیا گیا تھا ، جس مین 50لاکھ روپے تاوان کا مطالبہ کیا گیا تھا۔

حکام کا کہنا تھا کہ نیوٹاؤن تھانے میں شہری کے اغوا کا مقدمہ درج ہوا تھا، ایف آئی آر کے بعد اے وی سی سی کی جانب سے کیس پر کام کیا گیا۔

پولیس نے اغوا میں ملوث ملزم کو گرفتار کرلیا اور ملزم کی نشاندہی پر کنیز فاطمہ سوسائٹی سے لاش برآمد کرلی گئی ہے۔

اے وی سی سی کی ٹیم جائے وقوعہ پر موجودہے، ایس ایس پی اے وی سی سی انیل حیدرنے کرائم سین پر بات کرتے ہوئے کہا کہ لاش کو سیڑھیوں کے پاس ڈرم میں رکھا گیا تھا، مقتول اور قاتل ساڑو ہیں۔

ان کا کہنا تھا کہ یونیورسٹی روڈ پر یونیورسٹی کے قریب جھگڑا پیش آیا تھا اور جھگڑے کے دوران رشتہ دار نے دوسرے کو مارا تو وہ شدید زخمی ہوا ، جس کے بعد ملزم اپنا رشتہ دار کو زخمی حالت میں سوسائٹی کے فلیٹ تک لایا قتل کیسے کیا گیا جاننے کی کوشش کر رہے ہیں۔