والد کی دوسری شادی پر 17 سالہ لڑکی نے دلبرداشتہ ہوکر خودکشی کرلی

شہر قائد کے علاقے نارتھ کراچی میں والد کی دوسری شادی کرنے پر نوجوان لڑکی نے دلبرداشتہ ہوکر گھر میں پھندا لگا کر خودکشی کرلی۔

تفصیلات کے مطابق خواجہ اجمیر نگری کے علاقے نارتھ کراچی سیکٹر فور لال پارک کے قریب سےنوجوان لڑکی کی پھندا لگی  لاش ملی ۔ لاش کی اطلاع پر پولیس اور ریسکیو رضا کار موقع پر پہنچے اور لاش کو تحویل میں لے کر عباسی شہید اسپتال منتقل کیا گیا۔

جہاں متوفیہ کی شناخت 17 سالہ شبینہ دختر کاوش کے نام سے ہوئی۔ ایس ایچ او سرفراز کمانڈو نے بتایا کہ متوفیہ کے والد نے پولیس کو بیان دیا کہ دو ہفتے قبل اس نے دوسری شادی کرلی تھی جسے لے کر شبینہ سخت ناراض تھیں اور افسردہ تھیں۔

والد کی دوسری شادی کرنے پر دلبرداشتہ ہوکر اس نے گھر میں رسی کی مدد سے پھندا لگا کر خودکشی کرلی۔