یونیورسٹی روڈ پر واٹر ٹینکر نے 21 سالہ نوجوان کو کچل دیا

شہر قائد میں یونیورسٹی روڈ پر تیز رفتار واٹر ٹینکر کی ٹکر کی زد میں آکر 21سالہ نوجوان زندگی کی بازی ہار گیا۔

ذرائع کے مطابق یونیورسٹی روڈ پر تیز رفتار واٹر ٹینکر نے موٹرسائیکل سوار کو ٹکر ماردی جس سے نوجوان جاں بحق ہوگیا۔

موقع پر موجود مشتعل افراد نے حادثے کے ذمہ دار واٹر ٹینکر کو نذر آتش کردیا ، جبکہ ڈرائیور موقع سے فرار ہوگیا، عوام نے روڈ سے گزرنے والے ایک اور ٹینکر کو بھی آگ لگا دی۔

دوسری جانب جاں بحق ہونے نوجوان کی لاش ایمبولینس کے ذریعے جناح اسپتال منتقل کردی گئی ہے۔