بھارت نظر انداز: نیتھن لیون نے آسٹریلیا بمقابلہ پاکستان فائنل کی پیش گوئی کردی

نیتھن لیون نے آئی سی سی T20 ورلڈ کپ 2024 کے لیے ایک جرات مندانہ پیش گوئی کی ہے، جس میں ہندوستانی ٹیم کو نظر انداز کرتے ہوئے آسٹریلیا بمقابلہ پاکستان فائنل کی پیش گوئی کی ہے۔

نیتھن لیون کے مطابق انہیں توقع ہے کہ پاکستان 29 جون کو بارباڈوس میں ہونے والے گرینڈ فائنل میں مچل مارش کی قیادت والی ٹیم کو چیلنج کرے گا۔

ایک انٹرویو میں، لیون نے آسٹریلیا کے ساتھ فائنل کھیلنے والی ٹیم کے لئے پاکستان کی پیش گوئی کی۔

آسٹریلیا نے 2021کے T20 ورلڈ کپ کے سیمی فائنل میں پاکستان کو شکست دی اور فائنل میں نیوزی لینڈ کو شکست دے کر اس فارمیٹ میں اپنا پہلا ٹائٹل اپنے نام کیا۔

ہندوستان نے آخری بار 2007 میں T20 ورلڈ کپ کا ٹائٹل جیتا تھا۔ اس کے بعد سے متعدد بار ناک آٹ مرحلے تک پہنچنے کے باوجود، وہ ٹرافی جیتنے میں کامیاب نہیں ہوسکا۔

2022 میں پچھلے ایڈیشن میں، وہ سیمی فائنل میں انگلینڈ سے ہار گئے تھے، اور آخرکار انگلینڈ نے اپنا دوسرا ورلڈ کپ ٹائٹل اپنے نام کیا تھا۔