چیمپئینز ٹرافی میچز کیلئے ٹکٹوں کی قیمت کیا ہے؟

پاکستان میں شیڈول آئی سی سی چیمپئینز ٹرافی کے میچز کیلئے ٹکٹوں قیمت کا تعین کرلیا گیا۔

ذرائع کا کہنا ہے کہ آئی سی سی چیمپئینز ٹرافی کیلئے ویزا پالیسی پر بورڈ کے اعلی حکام کی مشاورت جاری ہے جبکہ ٹکٹوں کی فروخت اگلے ہفتے شروع ہونے کا امکان ہے۔

چیمپئینز ٹرافی کے میچز کیلئے کم از کم ٹکٹ کی قیمت 1 ہزار روپے جبکہ مہنگا ترین وی وی آئی پی ٹکٹ 25 ہزار روپے کا ہونے کا امکان ہے۔

اسی طرح پی سی بی حکام اور انٹرنیشنل کرکٹ کونسل(آئی سی سی)وفد دبئی میں  شیڈول بھارت کے میچز پر ٹکٹس ڈالرز میں فروخت کرنے پر اتفاق ہوا ہے جبکہ پاکستان میں ٹکٹوں کی قیمت پاکستانی روپے میں رکھی جائیں گی۔

دوسری جانب چیمپئینز ٹرافی کیلئے ٹیموں کے کپتانوں کی مشترکہ پریس کانفرنس 16 یا 17 فروری کو پاکستان میں شیڈول رکھنے پر بھی مشاورت ہورہی ہے۔

یاد رہے کہ چیمپئنز ٹرافی کا آغاز 19فروری سے پاکستان اور نیوزی لینڈ کے درمیان میچ سے ہوگا جبکہ ایونٹ کا فائنل 9 مارچ کوہوگا۔