دورہ پاکستان، بنگلادیش نے ٹیم سیکیورٹی کیلئے رجوع کرلیا

کراچی: بنگلادیش کرکٹ بورڈ (بی سی بی) کے اعلیٰ حکام نے ٹیم کی سیکیورٹی کیلئے پاکستان سے رابطہ کرلیا۔

بنگال ٹائیگرز کی ٹیم کو 2 ٹیسٹ میچز کی سیریز کی 17 اگست سے پاکستان کا دورہ کرنا ہے، یہ میچز آئی سی سی ورلڈ ٹیسٹ چیمپئین شپ کا حصہ ہیں۔

سیریز کا پہلا میچ 21 سے 25 اگست تک راولپنڈی جبکہ دوسرا میچ 30اگست سے 3 ستمبر تک کراچی میں ہوگا۔

بنگلادیش کرکٹ آپریشن کے چیئرمین جلال یونس نے میڈیا سے گفتگو کرتے ہوئے کہا کہ ٹیم کی سیکیورٹی کی ذمہ داری فراہم کرنا پاکستان کا کام ہے تاہم محض اس حوالے سے یقین دہانی کروائی ہے۔

انہوں نے کہا کہ ایشیاکپ دوران آپ نے دیکھا ہوگا بنگلادیشی ٹیم کو سیکیورٹی فراہم کی گئی تھی، سیکیورٹی کی فراہمی کی یقین دہانی پر دورے کی تصدیق کی گئی۔

جلال یونس نے کہا کہ سیکیورٹی کے حوالے سے پاکستانی حکام سے رابطے میں ہیں۔سیریز کا پہلا میچ 21 سے 25 اگست تک راولپنڈی جبکہ دوسرا میچ 30اگست سے 3 ستمبر تک کراچی میں ہوگا۔