حسن علی کے گھر دوسری بیٹی کی پیدائش، نام بھی رکھ دیا

قومی کرکٹ ٹیم کے فاسٹ بولر حسن علی کے گھر دوسری بیٹی کی پیدائش ہوئی ہے، جس کا اعلان انہوں نے پیر کے روز انسٹاگرام پر کیا۔

حسن علی نے اپنی بیٹی اور اہلیہ کی صحت سے متعلق آگاہ کرتے ہوئے بتایا کہ دونوں صحت مند ہیں۔ 

فاسٹ بولر نے یہ بھی بتایا کہ انہوں نے بچی کا نام ’ہیزل حسن علی‘ رکھا ہے۔ انہوں نے اپنے چاہنے والوں سے دعاؤں میں یاد رکھنے کی اپیل بھی کی۔

واضح رہے کہ حسن علی کے ہاں پہلی بیٹی کی پیدائش اپریل 2021ء میں ہوئی تھی۔