لاہور قلندرز کو ہوم گراؤنڈ پر مسلسل دوسری شکست

پاکستان سپرلیگ کے چوتھے میچ میں اپنے ہی ہوم گراؤنڈ پر مسلسل لاہور قلندرز کو دوسری شکست کا سامنا کرنا پڑا ہے۔

قذافی اسٹیڈیم میں کھیلے گئے میچ میں لاہور قلندرز نے پہلے بیٹنگ کرتے ہوئے مقررہ بیس اوورز میں 7 وکٹوں کے نقصان پر 187 رنز بنائے اور گلیڈی ایٹرز کو 188 کا ہدف دیا تھا۔

قلندرز کی جانب سے صاحبزادہ فرحان 62 اور جہاں داد خان 45 رنز کے ساتھ نمایاں بلے باز رہے۔ جبکہ قلندرز کے عقیل حسین اور محمد حسنین نے دو، دو اور عامر، محمد وسیم، ابرار احمد نے ایک ایک وکٹ حاصل کی۔

ہدف کے تعاقب میں قلندرز کے دونوں اوپنر جیسن رائے، سعود شکیل جم کر کھیلے اور پہلی وکٹ کیلیے 69 رنز کی شراکت قائم کی، اس دوران سعود شکیل چالیس رنز بنا کر آؤٹ ہوئے۔

پھر خواجہ نافے نے شاندار بیٹنگ کرتے ہوئے میچ کو اختتام تک پہنچایا اور 31 گیندوں پر 60 رنز کی شاندار ناٹ آؤٹ اننگز کھیل کر ٹیم کو 19.1 اوور میں ہی پانچ وکٹوں سے فتح دلوائی۔

لاہور قلنرز کے حارث رؤف مہنگے ترین بولر ثابت ہوئے اور انہوں نے چار اوورز میں بغیر کوئی وکٹ لیے 47 رنز دیے جبکہ شاہین آفریدی 4 اوور میں 38 رنز دے کر ایک وکٹ حاصل کرسکے۔