لیگ اسپنر عثمان قادر کا ریٹائرمنٹ کا اعلان

پاکستان ٹیم کے لیگ اسپنر عثمان قادر نے پاکستان کرکٹ بورڈ کے رویے سے دلبرداشتہ ہوکر ریٹائر ہونے کا اعلان کردیا۔

قومی کرکٹر عثمان قادر نے سماجی رابطے کی سائٹ ایکس (ٹوئٹر) پر پی سی بی کی جانب سے مواقع نہ ملنے اور این او سی پالیسی سے دلبرداشتہ ہوکر ریٹائرمنٹ کا اعلان کیا۔

اُنہوں نے کہا کہ پاکستان کی نمائندگی میرے لیے اعزاز ہے،پاکستان کرکٹ میں میرا سفر بڑا شاندار رہا۔

لیگ اسپنر کا مزید کہنا تھا کہ میں کوچز اور ٹیم کے ساتھیوں کا شکریہ ادا کرتا ہوں جنہوں نے مجھے سپورٹ کیا، میں اب نئے باب میں داخل ہو رہا ہوں، اپنے والد کی وراثت کو جاری رکھوں گا۔

واضح رہے کہ عثمان قادر سابق ٹیسٹ کرکٹر عبدالقادر مرحوم کے بیٹے ہیں، انہوں نے ایک ون ڈے اور 25 ٹی20 میچز میں پاکستان کی نمائندگی کررکھی ہے۔