نیوزی لینڈ کے بلے باز نے شاہین شاہ آفریدی کی درگت بنا دی

پاکستان کے فاسٹ بولر شاہین شاہ آفرین کی نیوزی لینڈ کے خلاف دوسرے ٹی 20 میچ میں کیوی بلے باز ٹِم سائفرٹ نے خوب درگت بنائی۔

بارش سے متاثر ہونے کے بعد 15 اوور تک محدود میچ میں 136 رنز کا تعاقب کرتے ہوئے کیوی اوپنر ٹِم سائفرٹ کو شاہین شاہ آفریدی نے پہلا اوور میڈن کرایا۔

دوسرے اوور میں شاہین پر لاٹھی چارج کرتے ہوئے اوور میں چار چھکے مار کرجن میں سے ایک 119 میٹر طویل چھکا بھی ہے26 رنز جڑ دیے۔

ٹِم سائفرٹ نے 22 گیندوں پر 5 چھکوں اور 3 چوکوں کی مدد سے 45 رنز اسکور کر کے ٹیم کی فتح میں اہم کردار ادا کیا۔

نیوزی لینڈ نے 136 رنز کا ہدف 5 وکٹوں کے نقصان پر 13.1 اوور میں حاصل کر کے سیریز میں 0-2 کی برتری حاصل کرلی۔