پاکستان کے خلاف نیوزی لینڈ کی طرف سے ون ڈے سیریز کھیلنے والے پاکستانی کھلاڑی کون ہیں؟

نیوزی لینڈ کرکٹ نے پاکستان کے خلاف ہونے والی آئندہ ون ڈے سیریز کے لیے اپنا اسکواڈ جاری کردیا ہے، جس میں پاکستانی نژاد کھلاڑی محمد عباس کو بھی شامل کیا گیا ہے۔  

نیوزی لینڈ کی جانب سے ون ڈے سیریز کی قیادت ٹام لیتھم  کریں گے جبکہ اسکواڈ میں پاکستانی نژاد کھلاڑی محمد عباس (اظہر عباس کے بیٹے)  بھی شامل ہیں۔

آئی سی سی چیمپئنز ٹرافی فائنلسٹس میں سے 8 کھلاڑی اسکواڈ کا حصہ ہیں تاہم میچل سینٹنر، راچن رویندرا، ڈیون کونوئے، گلین فلپس  آئی پی ایل کی وجہ سے اسکواڈ کا حصہ نہیں ہیں۔

اسکواڈ

ٹام لیتھم (کپتان)، آدی اشوک، مائیکل بریسویل، مارک چیپمین، جیکب ڈفی، مچل ہے، نک کیلی، ول او رورکے، بین سئیرز، نیتھن سمتھ، ول ینگ اور محمد عباس شامل ہیں۔

پاکستانی تعلق رکھنے والے محمد عباس کون ہیں؟

پاکستان میں پیدا ہوئے، بعد میں نیوزی لینڈ منتقل ہوگئے تھے۔ ان کے والد اظہر عباس نے آکلینڈ اور ویلنگٹن کی نمائندگی کی اور اب فائر برڈز کے اسسٹنٹ کوچ ہیں۔  

حمد عباس نیوزی لینڈ کی ڈومیسٹک کرکٹ میں اچھی کارکردگی دکھا چکے ہیں۔