قومی ٹیم پاکستان روانہ، بابر کا امریکا میں قیام کا فیصلہ

ٹی 20 ورلڈکپ میں ناکامی سے دوچار ہونے والی قومی ٹیم آج وطن واپس پہنچے گی جبکہ بابر اعظم امریکا میں ہی قیام کریں گے۔

تفصیلات کے مطابق ٹی 20 ورلڈکپ میں بدترین کارکردگی کے بعد پہلے ہی راؤنڈ میں باہر ہونے والی قومی ٹیم آج امریکا سے وطن واپس پہنچے گی۔

قومی ٹیم کے کپتان بابر اعظم، عماد وسیم، حارث رؤف اور شاداب خان امریکا میں ہی قیام کریں گے جبکہ کپتان بابر اعظم بائیس جون کو پاکستان کیلیے روانہ ہوں گے۔

واضح رہے کہ ٹی 20 انٹرنیشنل کے ورلڈکپ میں پاکستانی ٹیم نے گروپ کے 5 میچز میں سے صرف 2 میں چھوٹی ٹیموں کے خلاف کامیابی حاصل کی جبکہ اُسے امریکا کے ہاتھوں اپ سیٹ شکست کا سامنا بھی کرنا پڑا تھا۔