اسلام آباد یونائیٹڈ نے پی ایس ایل 9 میں فتح پر جشن

پاکستان سپرلیگ سیزن 9 کے فائنل میں فتح حاصل کرنے اور تیسری بار ٹائٹل اپنے نام کرنے والی ٹیم نے فتح کا جشن فلسطینی پرچموں کے ساتھ منایا۔

میچ میں فتح حاصل کرنے کے بعد یونائیٹڈ کے تمام کھلاڑیوں نے ہاتھوں میں فلسطینی پرچم تھام کر گراؤنڈ کا چکر لگایا۔

اس موقع پر گراؤنڈ میں بیٹھے 30 ہزار سے زائد تماشائیوں نے تالیاں بجا کر اس اقدام کو سراہا جبکہ مظلوم فلسطینیوں سے یکجہتی کا اظہار بھی کیا۔

واضح رہے کہ اسلام آباد یونائیٹڈ نے پی ایس ایل کے فائنل میں ملتان سلطانز کو سنسنی خیز مقابلے کے بعد دو وکٹوں سے آخری گیند پر شکست دی تھی۔