ٹی 20 میچز میں زیادہ رنز دینے کا بدترین ریکارڈ شاہین اور حارث کے نام

قومی ٹیم کے فاسٹ بولرز حارث رؤف اور شاہین شاہ آفریدی نے تین ٹی 20 میچز میں سب سے زیادہ رنز دینے کا بدترین ریکارڈ اپنے نام کرلیا۔

تفصیلات کے مطابق نیوزی لینڈ کے خلاف تیسرے میچ میں قومی ٹیم کے دونوں اہم فاسٹ بولرز کی کارکردگی ایک بار پھر خاطر خواہ نظر نہیں آئی۔ 

مجموعی طور پر دونوں بالرز نے نیوزی لینڈ کے خلاف تین ٹی 20 میچز میں 644 رنز دیے جن کی اوسط 10.73 بنتی ہے۔

نیوزی لینڈ کے خلاف سیریز کے تین میچز میں حارث رؤف نے 132 رنز دے کر 7 وکٹیں جبکہ شاہین آفریدی نے 119 رنز دے کر صرف چار وکٹیں حاصل کیں۔

واضح رہے کہ نیوزی لینڈ نے سیریز کے تیسرے ٹی ٹوینٹی میں پاکستان کو 45 رنز سے شکست دے کر میچ اور سیریز اپنے نام کرلی۔