ٹی ٹوئنٹی ورلڈ کپ: پاک بھارت میچ سے قبل نیویارک کی سیکورٹی میں اضافہ

آئی سی سی ٹی20 ورلڈکپ میں پاک بھارت مقابلے سے قبل نیوریاک کی سیکیورٹی میں اضافہ کردیا گیا ہے۔

معروف کرکٹ ویب سائٹ کرک انفو نے اپنی رپورٹ میں یہ انکشاف کیا ہے کہ9 جون کو ہونے والے پاک بھارت میچ سے قبل نیویارک کی سیکیورٹی میں اضافہ کردیا گیا ہے۔

امریکی ریاست نیویارک کی گورنر کے دفتر سے جاری ہونے والے بیان کے مطابق صورتحال پر گہری نظر ہے، فی الحال شہریوں کو کوئی خطرہ نہیں ہے۔

3 جون سے 12 جون تک پھیلے ہوئے 8 میچوں کی میزبانی آئزن ہاور پارک اسٹیڈیم کرے گا، جو مین ہٹن سے تقریبا 25 میل مشرق میں واقع ہے۔