لوگوں اور بچوں کے تفریح فراہم کرنے والا مکی ماؤس کن حالات سے دوچار ہے؟

اس شخص کی عمر 36 سال جبکہ نام شہزاد ہے جس ماضی میں پروفیشنل ڈانسر تھا تاہم گھر کی معاشی ضروریات کو پورا کرنے کیلیے اُس نے اس کام کا آغاز کیا۔

ڈائیلاگ پاکستان سے گفتگو میں شہزاد نے بتایا کہ ’شروع میں جب یہ کام دیکھا تو بہت مشکل لگا، مگر پھر میں نے سوچا اگر مکی ماؤس کو چھوڑ دوں گا تو گھر بھی تو مجھے دیکھنا ہے، میں کیا کروں گا‘۔

انہوں نے بتایا کہ ’میں نے اللہ کا نام لے کر یہ کام شروع کیا، شروع میں مجھے بہت شرم آرہی تھی، پھر مجھے اس کی عادت ہوگئی، جبکہ اس کے مقابلے میں ڈانس تو بہت آسان ہے اور یہ کام بہت مشکل ہے‘۔

انہوں نے کہا کہ ڈانس میں تو پھر بھی ہوا لگتی ہے اور وہ پرفارمنس تھوڑی دیر کی ہوتی ہے جبکہ اس کام میں گرمی اور جسم پسینے سے بھر جاتا ہے اور وقت بھی بہت زیادہ لگتا ہے، لوگ ہمیں چہرہ دکھانے کا بولتے ہیں مگر ہم کہاں سے دکھائیں کیوں کہ چہرہ پسینے سے بھرا ہوا ہوتا ہے‘۔