روزگار کیلیے خطروں سے لڑنے والی پاکستان کی ںیٹی

کراچی میں سرکس میں کام کرنے والی نوجوان لڑکی فاطمہ سراج نے اپنی پیشہ وارانہ زندگی کی مشکلات کے حوالے سے بتایا ہے۔

ڈائیلاگ پاکستان کو دیے گئے انٹرویو میں فاطمہ نے بتایا کہ اُن کے والد پہلے اس شعبے سے وابستہ تھے، پھر جب لڑکیوں کو اس پروفیشن میں آتے دیکھا تو والد نے ہمیں بھی تربیت دی۔

انہوں نے بتایا کہ ایک بار سرکس کے دوران وہ نیٹ ٹوٹنے کے باعث نیچے گر گئیں تھیں، جس کے نتیجے میں اُن کے ہاتھ اور کلائی کی ہڈی میں فریکچر ہوگیا تھا۔

فاطمہ نے یہ بھی بتایا کہ ’پرفارمنس کے دوران بعض اوقات وہاں بیٹھے لوگ کچھ ایسے جملے کستے ہیں جو ہمارے لیے تکلیف کا باعث بنتے ہیں مگر ہم ان کی باتوں پر دھیان نہیں دیتے‘۔