بزرگ اپنے دو پوتوں سمیت دریا میں ڈوب کر جاں بحق

ارجستھان: بھارت میں راجستھان کے بھرت پور ضلع میں گزشتہ روز انتہائی افسوسناک واقعہ پیش آیا، ندی میں اپنی بکریوں کو پانی پلانے گئے ایک بزرگ اپنے دو پوتوں کو بچاتے ہوئے ڈوب کر جان کی بازی ہار گئے۔

عالمی خبر رساں ادارے کی رپورٹ کے مطابق پولیس نے بتایا کہ62 سالہ وشرام سنگھ گرجر اپنے پوتے یوگیش (15) اور انکت (10) کے ساتھ گاؤں کے نزدیک سے گزرنے والی گمبھیر ندی میں بکریوں کو پانی پلانے پہنچے تھے۔

 اسی دوران بزرگ کے دو پوتے دریا میں گر گئے، انہیں بچانے کی کوشش میں وشرام نے بھی دریا میں چھلانگ لگادی، تینوں گہرے پانی میں ڈوب کر جاں بحق ہوگئے۔

ڈپٹی سپرنٹنڈنٹ آف پولیس کرشن راج،تحصیلدار ونود مینا، صدر تھانہ کے ایس ایچ او بلرام یادو واقعہ کی اطلاع ملتے ہی موقع پر پہنچے اور ایس ڈی آر ایف ٹیم کو بلواکر ریسکیو آپریشن شروع کیا۔ریسکیو ٹیم نے وشرام کی لاش برآمد کرلی ۔