دوسری خواتین سے بات کرنے پر بیوی اور سسرالیوں کا خوفناک انتقام

 بھارتی ریاست اتر پردیش میں ایک خاتون نے دوسری لڑکیوں سے تعلقات اور بات چیتاپنے شوہر پر اُبلتا ہوا پانی پھینک دیا جب کہ سسرالیوں نے بھی اسے تشدد کا نشانہ بنایا ہے۔

بھارتی میڈیا کے مطابق اترپردیش میں امریتا نامی خاتون نے ساتھ سوئے ہوئے شوہر آشیش رائے پر کھولتا ہوا پانی پھینکا، جس کے نتیجے میں وہ بری طرح جھلس گیا۔

 متاثرہ شخص کے مطابق اسکی بیوی نے یہ کام انتقام میں آکر کیا ہے۔ آشیش رائے نے پولیس کو بتایا کہ میری بیوی نے اپنے بھائی کی عیادت کے لیے چلنے کو کہا۔ جب ہم وہاں پہنچے تو اُس نے رات سسرال میں ہی رکنے کی ضد کی۔

متاثرہ شخص کے مطابق جب میں سویا تو بیوی نے کھولتا ہوا پانی مجھ پر ڈال گیا، جسے اسکی بھابھی نے گرم کر کے دیا تھا۔

پولیس کو دیے گئے بیان میں آشیش نے بتایا کہ میں جب تکلیف سے کراہتا ہوا کمرے سے باہر نکلا تو سسر اور سالے نے تشدد کیا، میں بڑی مشکل سے جان بچا کر اسپتال پہنچا۔

پولیس نے آشیش کی بیوی، سسر اور سالے کو گرفتار کرلیا۔ بیوی امریتا نے اپنے جرم کا اعتراف کرتے ہوئے پولیس کو بتایا کہ اس کا شوہر دوسری خواتین سے بات چیت کرتا اور ان سے غیر ازدواجی تعلقات رکھتا ہے، میں نے سبق سکھانے کے لیے یہ سب کیا۔