اسرائیلی بربریت، شہید فلسطینیوں کی تعداد 18 ہزار سے متجاوز، غزہ مکمل تباہ

حماس کی جانب سے کیے گئے حملے کے بعد فلسطینی علاقوں پر اسرائیلی بربریت میں فلسطینیوں کی شہادت کا سلسلہ جاری ہے۔

جنگ بندی معاہدے کے بعد دوبارہ اسرائیلی فورسز نے غزہ، خان یونس، جبالیہ پناہ گزین کیمپ پر بدترین فضائی حملے کیے۔

خبررساں ادارے کے مطابق اسرائیل کی فضائی کارروائیوں میں خان یونس سے رفح جانے والی سڑک بارودی حملوں کی وجہ سے مکمل تباہ ہوگئی ہے جس کے بعد امدادی سامان کی غزہ اور خان یونس کے علاقوں میں ترسیل کا سلسلہ منقطع ہوگیا۔

دوسری جانب اسرائیلی بمباری اور کارروائیوں کے نتیجے میں مزید 300 فلسطینی شہید، مجموعی تعداد 18 ہزار سے متجاوز ہوگئی ہے۔ شہدا میں 7 ہزار سے زائد بچے بھی شامل ہیں۔