امریکہ، ایران کی ایٹمی تنصیبات پر حملے کی تیاری کر رہا ہے، اسرائیل کا دعویٰ

تل ابیب : اسرائیلی سیاست دانوں اور فوجی عہدیداروں نے یہ انکشاف کردیا ہے کہ امریکہ آنے والے ہفتوں میں ایران میں ایٹمی تنصیبات پر حملے کرنے کا ارادہ رکھتا ہے۔

اسرائیلی حکومت کے ایک اعلی عہدے دار نے برطانوی اخبار کو بتایا کہ یہ یہ بہت پہلے ہو جانا چاہیے تھا، اب وقت آگیا ہے کہ اسے ختم کیا جائے۔

اسرائیلی سفارتی حلقوں کے ایک ذریعے نے یہ بھی وضاحت کی ہے کہ اسرائیل کی قیادت ٹرمپ کی وائٹ ہاس میں واپسی کو ایران کے ساتھ نمٹنے کا بہترین لمحہ سمجھتی ہے۔ اس کے پاس ایسا دوسرا موقع نہیں آئے گا۔

ادھر ایک اسرائیلی فوجی عہدایدر نے کہا کہ گزشتہ سال کے دوران شام، ایران اور عراق پر اسرائیلی طیاروں کی طرف سے کیے گئے حملوں نے ایرانی پراکسیوں کے فضائی دفاعی نظام کے خلاف ایک بڑے فضائی آپریشن کو انجام دینے کی راہ میں حائل بنیادی رکاوٹوں کو ہٹا دیا ہے۔