پرینک ویڈیو دیکھ کر کانٹینٹ بنانے کے شوق میں گیارہ سالہ بچے کی دلخراش موت

بھارت میں پرینک ویڈیوز سے متاثر ہوکر کانٹینٹ بنانے کی کوشش کرنے والا پانچویں جماعت کا گیارہ سالہ طلب علم موت کے پھندے سے جھول گیا۔

بھارتی میڈیا کے مطابق ہمیر پور شہر کا رہائشی 11 سالہ نکھل راجو سوشل میڈیا پر پرینک ویڈیوز اور ریلیز دیکھنے کا شوقین تھا۔ 

اہل خانہ کے مطابق نکھل نے سوشل میڈیا پر پھانسی لگانے کی ویڈیو دیکھی اور خود بھی ایسی ہی ویڈیو بنانے کی کوشش کے دوران رسی کے پھندے میں لٹک کر ہلاک ہوگیا۔

متوفی کے والد کا کہنا ہے کہ اسے کمرے میں بیہوش دیکھ کر اسپتال منتقل کیا جہاں ڈاکٹرز نے اس کی موت کی تصدیق کردی۔

پولیس حکام کا کہنا ہے کہ 11 سالہ طلب علم کے موبائل فون سے پھانسی لگانے جیسی اور ویڈیوز بھی ملی ہیں۔