سگریٹ اور ویمپ کے استعمال پر مکمل پابندی پر غور

برطانیہ کی پارلیمنٹ نے اپنے ملک میں سگریٹ نوشی اور ایک سگریٹ کے نوجوانوں میں بڑھتے ہوئے رجحان کو روکنے کیلیے مکمل پابندی پر غور شروع کردیا ہے۔

برطانوی میڈیا کے مطابق ملک میں ہونے والے نئے سروے کی رپورٹ میں اس بات کا انکشاف کیا گیا ہے کہ نصف سے زائد نوجوان سگریٹ نوشی یا ویمپ (سی سگریٹ) استعمال کررہے ہیں۔

نوجوانوں میں سگریٹ کے بڑھتے ہوئے استعمال اور شرح بڑھنے کا معاملہ اسمبلی پہنچ گیا ہے جہاں قانون سازوں نے اب ایک بل لانے پر غور شروع کردیا کے۔

اس بل کو حکومت کی جانب سے پیش کیا جائے گا جس کو کثرت رائے سے منظوری ملنے کا امکان ہے۔ 

بل میں سفارش کی جائے گی کہ 2009 کے بعد پیدا ہونے والے بچوں کی سگریٹ اور ایک سگریٹ نوشی پر مکمل پابندی عائد کی جائے۔

قانون میں سفارش کی جائے گی کہ 15 سال کی عمر تک کے بچوں کو سگریٹ نوشی سے روکنے کے لیے اسکے مضر اثرات بتائے جائیں اور انہیں سگریٹ یا ویمپ فروخت کرنے والوں کو سخت سزا دی جائے۔

اس قانون کے حوالے سے ابھی مزید تفصیلات سامنے نہیں آئیں تاہم امکان ظاہر کیا جارہا ہے کہ جلد اسے ایوان سے منظور کروالیا جائے گا، جس کے بعد قانون پر سختی سے عملدرآمد کیا جائے گا۔