تل ابیب میں دو افراد کا حملہ، 8 افراد ہلاک اور 9 زخمی

اسرائیل کے علاقے تل ابیب میں دو مسلح افراد کے حمے میں 8 افراد ہلاک ہوگئے جبکہ جوابی کارروائی میں پولیس نے دونوں حملہ آوروں کو ہلاک کردیا۔

اسرائیلی میڈیا کے مطابق تل ابیب کے علاقے جافا میں دو حملہ آوروں نے حملہ کیا، جس میں سے ایک اسلحے سے لیس جبکہ دوسرے کے پاس چاقو تھا۔

دونوں حملہ آوروں نے ٹرین اسٹیشن اور یروشیلم اسٹریٹ پر موجود شہریوں کو نشانہ بنایا۔ جس کے نتیجے میں 9 افراد زخمی بھی ہوئے ہیں۔

پولیس کے مطابق مرنے والوں کی لاشوں اور زخمیوں کو اسپتال منتقل کردیا گیا ہے جبکہ جوابی کارروائی میں دونوں حملہ آور مارے گئے ہیں۔