جنگ بندی کیلیے، امریکا اور ایران کے اسلام آباد میں مذاکرات
22:24 PM
22:19 PM
20:26 PM
20:23 PM
20:21 PM
20:19 PM
20:11 PM
پہلا سیشن دو گھنٹے طویل ہوا، ذرائع
اسلام آباد میں ہونے والے مذاکرات کے پہلے سیشن میں پیشرفت ہوئی اور دونوں فریقین نے تحریری مسودے کا تبادلہ کیا ہے۔
ڈان کے خارجہ امور کے نامہ نگار باقر سجاد کی رپورٹ کے مطابق اسلام آباد میں جاری امریکی اور ایران براہِ راست بات چیت کے اختتام کے بعد دونوں وفود کی ماہر ٹیموں نے زیرِ بحث نکات پر تحریری مسودات کا تبادلہ کیا ہے۔
دونوں فریقین کے درمیان تقریبا 2 گھنٹے طویل سیشن ہوا
اسلام آباد میں ایران اور امریکا کے درمیان ہونے والے مذاکرات پہلے دن کا سیشن ختم ہوگیا۔
تفصیلات کے مطابق ایران اور امریکا کے درمیان جنگ بندی کے بعد اسلام آباد میں مذاکرات کا پہلا سیشن ہوا۔
یہ سیشن دو گھنٹے تک جاری رہا جس میں کھانے کا وقفہ بھی ہوا جس کے بعد دونوں فریق ایک بار پھر بیٹھے۔
دو گھنٹے طویل اس بیٹھک میں دونوں فریقین کے درمیان کوئی نتیجہ نہیں نکلا تاہم کل دوسرا سیشن ہوگا۔
آج ہونے والے سیشن میں پاکستانی حکام بھی موجود تھے اور امکان ظاہر کیا جارہا ہے کہ کل کی بیٹھک میں کچھ بریک تھرو ہوگا۔
ایران سے متعلق مالی معاملات میں کوئی نئی تبدیلی سامنے نہیں آئی، امریکا
امریکی حکام نے ان خبروں کی تردید کی ہے جن میں کہا گیا تھا کہ امریکہ نے ایران کے منجمد مالی اثاثے بحال کرنے پر اتفاق کر لیا ہے۔
غیر سرکاری ذرائع کے مطابق ایسی کوئی پیش رفت نہیں ہوئی اور اس حوالے سے نہ کوئی فیصلہ کیا گیا ہے اور نہ ہی کوئی معاہدہ طے پایا ہے۔ حکام کا کہنا ہے کہ ایران سے متعلق مالی معاملات میں کوئی نئی تبدیلی سامنے نہیں آئی۔
واضح رہے کہ اس سے قبل بعض رپورٹس میں دعویٰ کیا گیا تھا کہ دونوں ممالک کے درمیان اس معاملے پر پیش رفت ہوئی ہے، تاہم امریکی حکام نے ان اطلاعات کو درست تسلیم کرنے سے انکار کر دیا ہے۔
ایران کی بحریہ اور فضائیہ ختم ہو چکی ہے اور ان کا فضائی دفاعی نظام بھی مفلوج ہو چکا ہے، ٹرمپ
امریکی صدر ڈونلڈ ٹرمپ نے دعویٰ کیا ہے کہ ایران کا بہت نقصان ہو رہا ہے جبکہ میڈیا کو یہ کہنا پسند ہے کہ وہ جنگ جیت رہا ہے۔
ٹرمپ نے اپنے سوشل پلیٹ فارم ٹروتھ سوشل پر تازہ بیان میں کہا کہ میڈیا کو یہ کہنا پسند ہے کہ ایران ’جیت رہا ہے جب حقیقت ہر کوئی جانتا ہے کہ وہ بری طرح سے شکست سے دوچار ہے۔‘
صدر ٹرمپ نے ایک بار پھر دعوے کیے کہ ایران کی بحریہ اور فضائیہ ختم ہو چکی ہے اور ان کا فضائی دفاعی نظام بھی مفلوج ہو چکا ہے۔ ریڈار تباہ ہو گئے ہیں، میزائل پروگرام، ڈرون فیکٹریاں اور ڈرونز کو ختم کر دیا گیا ہے اور سب سے اہم بات یہ ہے کہ ان کے بڑے رہنما مارے جا چکے ہیں۔‘
امریکی صدر کا مزید کہنا تھا کہ ’امریکہ اب دُنیا بھر کے ممالک کے حق میں آبنائے ہرمز کو صاف کرنا شروع کر رہا ہے۔‘
حماس نے ایران اور امریکا کے درمیان مذاکرات کو خوش آئند قرار دیا ہے
حماس نے اسلام آباد میں ہونے والے ایران امریکی مذاکرات کو خوش آئند قرار دے دیا۔
حماس نے پاکستان میں ہونے والے امریکی ایران مذاکرات کا خیرمقدم کیا ہے۔
حماس نے کہا ہے کہ وہ ایران کے خلاف امریکی اسرائیل کی جنگ کے مکمل اور جامع خاتمے کے مقصد کی کوششوں کی حمایت کرتا ہے۔
ایک بیان میں فلسطینی گروپ نے کہا کہ وہ پاکستان اور دیگر شریک ممالک کی قیادت میں ثالثی کی کوششوں کی کامیابی کا منتظر ہے۔
امریکا نے قطر اور دیگر بیرونِ ملک بینکوں میں رکھے گئے ایرانی اثاثوں کو جاری کرنے پر آمادگی ظاہر کی ہے
ایک سینئر ایرانی عہدیدار نے دعویٰ کیا ہے کہ امریکا نے قطر اور دیگر بیرونِ ملک بینکوں میں رکھے گئے ایرانی اثاثوں کو جاری کرنے پر آمادگی ظاہر کی ہے۔
غیر ملکی خبر رساں ادارے کے مطابق عہدیدار نے بتایا کہ تہران اس پیش رفت کو واشنگٹن کے ساتھ اسلام آباد میں جاری مذاکرات میں سنجیدگی کی علامت کے طور پر دیکھ رہا ہے۔
ان کا کہنا تھا کہ ان اثاثوں کے اجرا کو آبنائے ہرمز میں محفوظ گزرگاہ کی فراہمی سے جوڑا گیا ہے، یعنی اس معاملے کا تعلق سمندری راستوں کی سکیورٹی سے بھی ہے۔
دوسری جانب امریکا کی جانب سے اس بارے میں تاحال کوئی باضابطہ مؤقف سامنے نہیں آیا ہے، اور نہ ہی اثاثوں کے اجرا یا برقرار رکھنے سے متعلق کوئی سرکاری اعلان کیا گیا ہے۔
وزیراعظم نے دونوں سے پاکستان کی مخلصانہ کاوشوں کے حوالے سے گفتگو کی
وزیراعظم محمد شہبازشریف نے امریکی نائب صدر کے ہمراہ آنے والے وفد سے ملاقات کے بعد ایران کے مذاکراتی وفد سے علیحدہ ملاقات کی۔
وزیراعظم ہاؤس کی جانب سے جاری اعلامیے کے مطابق ایرانی وفد کی قیادت ایرانی مشاورتی اسمبلی کے اسپیکر محمد باقر قالیباف نے کی اور اسلامی جمہوریہ ایران کے وزیر خارجہ جناب عباس عراقچی کی معاونت کی۔
اسلام آباد مذاکرات میں ایران کی شمولیت کو سراہتے ہوئے وزیراعظم نے علاقائی اور عالمی امن و استحکام کے مفاد میں بامعنی نتائج کے حصول کی جانب رفتار بڑھانے میں مدد کے لیے ثالث کے طور پر اپنا کردار ادا کرنے کے لیے پاکستان کے مخلصانہ عزم کا اعادہ کیا۔
ملاقات میں نائب وزیراعظم اور وزیر خارجہ محمد اسحاق ڈار، چیف آف آرمی سٹاف اور چیف آف ڈیفنس فورسز فیلڈ مارشل سید عاصم منیر اور وزیر داخلہ سید محسن رضا نقوی بھی موجود تھے۔
