اسرائیل کا ایران پر شدید حملہ، متعدد فوجی کمانڈرز اور 6 جوہری سائنس دان شہید ، ایٹمی گھر بھی تباہ

اسرائیل نے ایران پر ایک بڑا حملہ کیا، جس میں چھ مقامات بشمول جوہری تنصیبات اور رہائشی عمارتوں کو دو مرحلوں میں نشانہ بنایا گیا۔  

اہم ہدف نطنز شہر تھا، جو تہران کے جنوب میں واقع ہے اور ایران کی یورینیم افزودگی کی مرکزی سہولت کا گھر ہے۔ اسرائیل نے اس ایٹمی اور جوہری سائٹ کو تباہ کیا ہے۔

حملوں میں متعدد فوجی کمانڈرز، دو جوہری سائنسدان اور کئی شہری شہید ہوگئے۔اسرائیلی حملے میں پاسداران انقلاب کے کمانڈر ان چیف حسین سلامی، دو جوہری سائنسدان اور کئی فوجی کمانڈر شہید ہوئے۔

اسرائیلی آپریشن"رائزنگ لائن" کے دوران ایران کے جوہری مقامات اور اعلیٰ فوجی و سیاسی شخصیات کو نشانہ بنایا گیا، جس میں اسلامی انقلابی گارڈز کور (آئی آر جی سی) کے کمانڈر ان چیف میجر جنرل حسین سلامی کی ہلاکت کی تصدیق ہو گئی ہے۔  

سلامی کے علاوہ، کئی اعلیٰ فوجی افسران اور اہم جوہری سائنسدان بھی مارے گئے ہیں۔  

ایرانی ایٹمی توانائی آرگنائزیشن (AEOI) کے سابق سربراہ اور موجودہ رکن پارلیمنٹ فریڈون عباسی دوانی بھی اس ٹارگٹ حملے کا نشانہ بن گئے۔  

ایران کی ڈیفنسو انوویشن اینڈ ریسرچ آرگنائزیشن (SPND) کے سربراہ رضا مظفرینیا حسین، خاتم الانبیاء سنٹرل ہیڈکوارٹرز کے کمانڈر اور "آپریشن ٹرو پرومس" کے اہم معمار غلام علی رشید، تہران کی اسلامی آزاد یونیورسٹی کے صدر اور اماد پروگرام کے سابق نگران محمد مہدی تہرانی کی ہلاکت کی بھی تصدیق ہو چکی ہے۔  

ایران نے اسرائیل کے خلاف سخت ردعمل کی دھمکی دی ہے، جبکہ دونوں ممالک کے درمیان کشیدگی انتہائی خطرناک سطح تک پہنچ چکی ہے۔

 تیسرے مرحلے کے حملے کی اطلاعات بھی سامنے آ رہی ہیں۔ جبکہ ایران نے اسرائیل کے خلاف "تکلیف دہ" جوابی کارروائی کی دھمکی دی ہے، جبکہ دونوں ممالک اب مکمل جنگ کے دہانے پر کھڑے ہیں۔

اسرائیلی حملوں میں 6 جوہری سائنسدان ہلاک

ایرانی نیوز ایجنسی تسنیم نے رپورٹ دی ہے کہ آپریشن رائزنگ لائن کے تحت اسرائیلی حملوں میں 6 جوہری سائنسدان ہلاک ہوگئے ہیں۔  

ہلاک ہونے والوں میں

عبدالحمید منوچہر

احمد رضا ذوالفقاری 

سید امیرحسین فقہی

مطلق بیزاد

محمد مہدی تہرانیچی

فریدون عباسی

تسنیم نیوز نے اپنے ایکس (ٹوئٹر) اکاؤنٹ پر لکھا: "صیہونی حکومت نے ثابت کیا ہے کہ وہ دہشت گردی کے ہتھیار سے ہمارے سائنسدانوں کے خلاف جنگ پر اتر آئی ہے۔"