ایمان مزاری کو گرفتار کرنے کا حکم، ناقابل ضمانت وارنٹ جاری

اسلام آباد کی ڈسٹرکٹ اینڈ سیشن کورٹ نے ریاست اور قومی سلامتی کے اداروں کے خلاف متنازع ٹوئٹ کیس میں وکیل ایمان مزاری اور ان کے شوہر ہادی علی چٹھہ کے ناقابلِ ضمانت وارنٹ گرفتاری جاری کردیے۔

ایڈیشنل ڈسٹرکٹ اینڈ سیشن جج محمد افضل مجوکہ نے کیس کی سماعت کے دوران حکم دیا کہ دونوں ملزمان کو گرفتار کرکے 24 ستمبر کو عدالت میں پیش کیا جائے۔

عدالت نے اس سے قبل ایمان مزاری اور ہادی علی چٹھہ کو طلبی کے نوٹس بھی جاری کیے تھے، تاہم پیش نہ ہونے پر یہ کارروائی عمل میں لائی گئی۔

دونوں وکلاء کی جانب سے وارنٹ منسوخی کی درخواست بھی دی گئی تھی مگر عدالت نے فوری طور پر استدعا مسترد کرتے ہوئے کیس کی مزید سماعت آئندہ تاریخ تک ملتوی کردی۔