سال 25 کا دوسرا سورج گرہن کب اور کہاں ہوگا؟

محکمہ موسمیات کے کلائمیٹ ڈیٹا پروسیسنگ سینٹر نے اعلان کیا ہے کہ رواں سال کا دوسرا سورج گرہن 21 اور 22 ستمبر کی درمیانی شب وقوع پذیر ہوگا۔

تفصیلات کے مطابق سورج گرہن کا آغاز 21 ستمبر کو رات 10 بج کر 30 منٹ پر ہوگا، جو 22 ستمبر کی رات 12 بج کر 42 منٹ پر اپنے عروج پر پہنچے گا، جبکہ یہ مظاہرہ رات 2 بج کر 54 منٹ پر اختتام پذیر ہوگا۔

محکمہ موسمیات نے واضح کیا کہ یہ سورج گرہن پاکستان میں نظر نہیں آئے گا۔

یاد رہے کہ چند دن قبل پاکستان سمیت دنیا کے مختلف ممالک میں چاند گرہن کا دلکش نظارہ کیا گیا تھا جس نے شائقین فلکیات کو محظوظ کیا۔

پاکستان میں سورج گرہن کا نظارہ نہیں دیکھا جاسکے گا۔